Administrata Tatimore e Kosovës (ATK) ka njoftuar se të hyrat tatimore për periudhën janar-gusht 2024 janë rritur për 62.9 milionë euro.

Sipas njoftimit, të hyrat tatimore kanë shënuar rritje të konsiderueshme krahasuar me të njëjtën periudhë të vitit të kaluar, shkruan Arbresh.info.

“Totali i të hyrave të inkasuara ka  arritur në 642.0 milionë euro tatime, duke shënuar kështu rritje të qëndrueshme për buxhetin e shtetit. Kjo rritje lidhet drejtpërdrejt me zbatimin e reformave të rëndësishme që kanë për qëllim përmirësimin e efektivitetit dhe rritjen e transparencës.”, thuhet në njoftim.

ATK bën të ditur se ndikimi i reformave të ndërmarra përfshinë digjitalizimin e proceseve të punës, trajtimin e borxheve tatimore, krijimin e kanaleve për raportim të rasteve korruptive, luftimin e evazionit tatimor, rritja e përgjegjësisë dhe llogaridhënia janë disa nga reformat të cilat kanë ndihmuar në ngritjen e performances.

“ATK mbetet e përkushtuar në forcimin e përmbushjes vullnetare dhe përmirësimin e vazhdueshëm të mbledhjes së të hyrave dhe zvogëlimin e hendekut tatimor duke u siguruar që tatimpaguesit paguajnë saktë detyrimet tatimore.”, njofton ATK-ja./Arbresh.info/